سوالف الشباب ف الباص

سوالف الشباب ف الباص
عشاق الكورة

نفر (1) :: يا خووك احلى شي عاد لين العين تصدر الدوري
نفر (2) :: ايه والله .. جفت قول آيتوو عاد شق المرمى شق فديته هالريال
نفر (3) :: روحووو مناك .. بييكم الشبح المدريدي بينثر هاليهال
نفر (1) :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح ع الارض
والثاني معلق على الباب

المغازلجيه

نفر (1) :: اااخ يا الحبيب جفتهااا .. هذي قاعده صوب الدريول
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوي .. اللي عباتها الخفاش ..
نفر (2) :: هيه هذي كشخه يابووك بس يقولون ما تعطي ويه
نفر (1) :: ما عليك منها .. بطيح بطيح ..

عاد الاخو اييب تاريخ اهلها واجدادها على اساس ان انا اعرفها ترى !

المطينزجيه ( راعيين المطنزه )

نفر (1) :: جووف جووف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك فرن
نفر (1) :: يا العله بتجووف احين

" البنت بتنزل من الباص "

نفر (1) :: حجيييييييييه عبااتج

طم طرااااخ ( طيحه على الويه )

نفر (1) & (2) :: هههههههههه

وتقعد تسب فيهم وتلعن وهم للحين يضحكون عليها

عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا

صبيان على غير العاده " هاذيله في حالهم"

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد

عشاق البته و الاونو

نفر (1) :: العب خل اكسر راسك .. فر لي ورقتين الكلفس
نفر (2) :: عشان اتييك الاكله العدله ( يلعبون كوت )
نفر (1) :: يا عمي .. بنجوف ترى الجوكر يايك يايك
نفر (3) :: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب شباب مال الدراسه والكتب

عشاق الاغاني والطقطقه

نفر (1) :: يا مونيتي يا سناااا خاطررري وانا احبك يا سلام
نفر (2) :: ياهووو .. هلا هلا روووح
نفر (1) :: ليه الجفااا .. ليه تهجرني وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انته روووح

مساكين ذيله .. تلقاهم يفكرون يغنون في عرس .. ويوم فكروا و راحو شاتوهم بالنعل !

فئة الموضه

نفر (1) :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

ذيلين مساكين بعد .. اخرة هالقصات بيسوون تسريحة المطربة صباح !

فئة البناتيه

نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك

المغازلجيه

نفر (1) :: اااخ يا الحبيب جفتهااا .. هذي قاعده صوب الدريول
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوي .. اللي عباتها الخفاش ..
نفر (2) :: هيه هذي كشخه يابووك بس يقولون ما تعطي ويه
نفر (1) :: ما عليك منها .. بطيح بطيح ..

عاد الاخو اييب تاريخ اهلها واجدادها على اساس ان انا اعرفها ترى !
هههههههههههههههههههههه
يسلمووووووووو اخ باسل حلوين

» سوالف بنات ....
» الشباب بيفكروا في إيه
» حال الشباب لما يسمعون صوت بنت ههههههههه
» للبنات ممنوع دخول الشباب
» كيف تتخلصين من معاكسات الشباب يا حواااااااا