أم محمد تنضم لاتحاد النساء العالمى
قرر اتحاد النساء العالمى اتخاذ خطوة إيجابية لمواجهة تسلط الرجال ، فاتخذوا قرارا بأن تضرب الزوجات عن الأعمال المنزلية لمدة أسبوع ، و يتركون الرجال لمواجهة المسئولية
و تحدد اللقاء بعد أسبوع لعرض النتائج: وهى
قالت الزوجة الانجليزية : أنا ناديت تشارلز و قلت له أنا مش هعمل حاجة فى البيت الأسبوع ده كله لا طبيخ و لا كنس و لا غسيل ، اتصرف انت ، أول يوم ماشفتش حاجة حصلت ، تانى يوم ماشفتش حاجة ، تالت يوم طبخ لنفسه ، وبعدين اتعود و عمل كل حاجة
قالت الزوجة الفرنسية :أنا ناديت بيير و قلت له أنا مش هعمل حاجة فى البيت الأسبوع ده خالص لا غسيل ولا طبيخ و لا كنس و لاحاجة، اتصرف انت، أول يوم ماشفتش حاجة ، تانى يوم ماشفتش حاجة، تالت يوم نضف البيت و بعدين جابلى ورد وقاللى انتى بتتعبى اوى فى شغل البيت ياحبيبتى أنا هساعدك على طول
قالت أم محمد : أنا ناديت أبو محمد و قلت له أنا مش هعمل حاجة فى البيت الأسبوع ده لا غسيل و لا طبيخ و لا كنس و لا خياطة زراير و لا حاجة ، اتصرف انت بقه ... أول يوم ماشفتش حاجة ، تانى يوم ماشفتش حاجة ، تالت يوم بدأت أشوف شوية بعينى الشمال
موضوع: أم محمد 
السبت مايو 03, 2008 1:58 pm
